راجل بيبني أبراج، قاعد في الطين مش قادر يصلب طوله. رفع راسه ليها وقال بصوت مخنوق ومتحشرج:— مريم… أنا مش طالب منك تسامحيني، ولا مصدق إن في مغفرة للي أنا عملته. بس ابني… ابني مش هيبات ليلة تانية هنا. إنتِ ممكن تكرهيني، ممكن تدفــ,,ـــــنيني حي ومطالبش بحق، بس عشان خاطر ربنا، خدي نوح واطلعي معايا دلوقتي. مش هنروح بيتي، هوديكم فندق… هوديكم أي مكان نضيف وآمن تقفلي بابه عليكم ومشوفش وشك لو مش عايزة، بس متقعدوش هنا دقيقة واحدة كمان.

مريم بصت له بحيرة، شافت في عينيه انكسار حقيقي مكنتش متوقعاه. لكن قبل ما ترد، الباب الخشب الضعيف خبط براحة، ودخل نوح وهو ماسك في إيد الحاجة فتحية. الولد كان وشه شاحب، وهدومه وسخة من طين الشارع، باصص للراجل الغريب اللي قاعد على الأرض وعينيه مليانة دموع. قرب من أمه ومسك في طرف جلابيتها:— ماما… الراجل ده زعلان منك ليه؟ هو هيطردنا من هنا كمان؟الكلمة قطعت قلب محمود نصين. صرخ من جواه ودموعه نزلت غصب عنه:— لا يا حبيبي… محدش يقدر يطردكم، ولا مخلوق على وجه الأرض يقدر يلمس شعرة منك طول ما أنا عايش.

قام محمود على حيله، ومسح دموعه بضهر إيده، وفجأة اتحول وشه لملامح تانية خالص؛ ملامح الذئب اللي بنى إمبراطورية من الصفر، ملامح راجل اكتشف إن بيته اتسرق وعرضه اتهان من أقرب الناس ليه. طلع محفظته، طلع منها رزمة فلوس كبيرة وحطها في إيد الحاجة فتحية:— يا أمي… أرجوكي، خدي بالك من مريم ونوح الساعتين دول.

الأكثر قراءة الان

حكايات زهرهمنذ يومخطيبي حكايات رومانى مكرم 1منذ يومحكايات انجى الخطيب1منذ يوم

متخليهمش يخرجوا من هنا، ومفيش بني آدم يخش عليهم. أنا مش هنقلهم دلوقتي عشان مفيش وقت، بس هرجع… هرجع أغير كل حاجة. بص لمريم وقال وهو بيلبس نضارته الشمسية عشان يداري عيونه الحمرة:— مريم… الورق اللي مع رامي هيتحــ,,ـــــرق النهاردة، والراجل اللي فكر يرمي ابني في الصفيح هيدفع تمن كل قطرة مطر نزلت على سقفكم ده دم. ساعتين اتنين بس… وعربيتي هتيجي تاخدكم للمكان اللي تستحقوه. خرج محمود من العشة بخطوات سريعة وساب وراه الطين، وركب عربيته المرسيدس السودا اللي كانت راكنة على أول المدق الترابي والسواق مستنيه فيها بقلق.

الأكثر قراءة الان حكايات زهره الربيع 1 منذ 3 أيام ثلاث شهور حكايات رومانى مكرم 1 منذ يومين من وقت ما اتجوزت حكايات رومانى مكرم 1 منذ 4 أيام أول ما ركب وقفل الباب، قال للسواق بنبرة حادة ومرعبة:— على مكتب الشركة الرئيسي في التجمع… وطير. طلع تليفونه التاني الخاص بالشغل، وضغط على رقم المستشار القانوني بتاعه، ورقم تاني للواء متقاعد شغال معاه رئيس قطاع الأمن في كل مشاريعه.

— ألو… سيادة اللواء، عايز أربع عربيات حراسة مصفحة يقفلوا مداخل ومخارج مبنى الشركة في التجمع خلال ربع ساعة. محدش يدخل، ومفيش نملة تخرج، وبالأخص رامي الشاذلي… لو حاول يتحرك من مكتبه، تكسروا رجليه. وقفل الخط، واتصل بالمستشار القانوني:— متر عصام… افتح السجلات العقارية دلوقتي حالا، وطلعلي كل الأصول والأراضي اللي اتسجلت باسم رامي الشاذلي أو باسم أي حد من قرايبه في الخمس سنين اللي فاتوا… الحساب هيتصفى النهاردة كله، والدم هيبقى للركب.